អ្នកនៅទីលានប្រជាធិបតេយ្យបារម្ភពេលមានការប៉ះទង្គិច
ភ្នំពេញៈ ភាពស្ងៀមស្ងាត់បានកើតមាននៅទីលានប្រជាធិបតេយ្យ កាលពីរាត្រីថ្ងៃអាទិត្យ ជាទីដែលអ្នកគាំទ្របក្សប្រឆាំងរាប់ពាន់នាក់ បានស្នាក់អាស្រ័យបន្ទាប់ពីការធ្វើមហាបាតុកម្មរបស់ពួកគេនៅ ថ្ងៃដំបូង។ ប៉ុន្តែពួកគេត្រូវបានរំខាន បន្ទាប់ពីបានឮព័ត៌មានពីការប៉ះទង្គិចគ្នាដោយហិង្សារវាងកង កម្លាំងរបស់រដ្ឋាភិបាល និងក្រុមអ្នកតវ៉ា នៅម្តុំស្ពានអាកាសក្បាលថ្នល់ ដែលបានបណ្តាលឲ្យយុវជនម្នាក់ស្លាប់ និងជាច្រើននាក់ទៀតរងរបួសធ្ងន់។
ក្នុងករណីមួយ មានបុរសម្នាក់ដែលកំពុងជិះម៉ូតូ បានឈប់នៅក្រោមភ្លើងភ្លឹបភ្លែតៗនៅតាមផ្លូវនៅប៉ែកខាងលិច ទីលានប្រជាធិបតេយ្យ ហើយបាននិយាយរៀបរាប់លម្អិតអំពីអ្វីដែលបានកើតឡើងចំពោះអ្នកគាំទ្រ គណបក្សសង្គ្រោះជាតិ មួយក្រុមតូច នៅស្ពានអាកាសក្បាលថ្នល់។ គេបានឮសំឡេងនៅទីងងឹត ខណៈដែលភាពតានតឹង បានរីករាលដាល ហើយភាពស្លន់ស្លោ និងការប៉ះទង្គិចគ្នាក៏បានកើតឡើង។ បើទោះបីខណៈដែលក្រុមអ្នករៀបចំការតវ៉ា បានប្រញាប់ប្រញាល់ទៅផ្លូវដែលមានដាក់របាំងនៅជុំវិញទីលាន នោះក៏ដោយ ក៏ពាក្យចចាមអារ៉ាម បានលេចឮថា ក្រុមអ្នកតវ៉ា នឹងត្រូវគេបណ្តេញចេញដោយអំពើហិង្សា ដោយមានប៉ាញ់កាណុងទឹក ឬត្រូវបង្កភេរវកម្មដោយក្រុមជនពាលដែលគេជួលក្តី ក៏ក្រុមអ្នកតវ៉ានៅតែរក្សាភាពស្ងប់ស្ងាត់។
បន្ទាប់ពីដឹងពីអំពើហិង្សា សមាជិកសភាគណបក្សសង្គ្រោះជាតិ លោក ហូរ វ៉ាន់ បានមានប្រសាសន៍ថា៖ «យើង មានការសោកស្តាយដែលមានមនុស្សស្លាប់។ ប៉ុន្តែយើងត្រូវតែស្ថិតនៅទីលានប្រជាធិបតេយ្យ។ យើងត្រូវតែរក្សាការតវ៉ាដោយសន្តិវិធី»។ សម្តីរបស់លោក ដែលបាននិយាយក្នុងសន្និសីទសារព័ត៌មានតូចមួយទៅកាន់អ្នកយកព័ត៌មាន បានលើកទឹកចិត្តដល់អ្នកគាំទ្រដែលបានមកប្រមូលផ្តុំគ្នាជុំវិញ លោក ឲ្យមានការរួបរួមសាមគ្គីគ្នា។…
ឃុត សុភចរិយា និង Shane Worrell
http://www.postkhmer.com/index.php/national/1-national-news/104023-2013-09-17-03-32-12
